Skal rekruttere nye leiarar

Dei tre stillingane er alle ein del av leiargruppa til fylkeskommunedirektøren, og har viktige roller i arbeidet med å utvikle organisasjonen og tenestene som fylkeskommunen leverer.

Fylkeskommunen har inngått ein avtale med rekrutteringsbyrået Jefferson Wells, som skal bistå i rekrutteringsprosessen. Det er fylkeskommunedirektøren som har ansvar for tilsettingane.

Her er ein kort presentasjon av dei tre utlyste stillingane:

Samferdselsdirektør

I denne stillinga vil du har det overordna ansvaret for å utvikle, bygge ut og drifte fylkesvegar, kollektivtransport og tilrettelagt transport. Du vil vere ein pådrivar for å tilby framtidsretta, trygge, pålitelege  og miljøvennlege samferdselsløysingar som trengst for innbyggarane i Møre og Romsdal. Samferdselsområdet har om lag 188 tilsette. Les meir og søk på stillinga som samferdselsdirektør på finn.no

Juridisk sjef

Har ansvar for å leie, drifte og utvikle stab for juridiske og administrative tenester, med om lag 28 tilsette. Staben gir juridisk støtte til fag- og tenesteområda, og bidrar til at fylkeskommunen når måla sine. Les meir og søk på stillinga som juridisk sjef via finn.no

Bygg- og eigedomssjef

Denne stillinga er leiar for bygg- og eigedomsavdelinga med om lag 62 tilsette. Bygg- og eigedomssjefen har det overordna ansvaret for å iverksette eigedomsstrategien og utviklingsplanar, samt å leie og utvikle bygg- og eigedomstenestene på ein effektiv og berekraftig måte. Du kan lese meir om stillinga som bygg- og eigedomssjef på finn.no

Fleire nye leiarar

I desember begynte Toril Hovdenak i jobben som fylkeskommunedirektør etter Ottar Brage Guttelvik, medan Tone Nord frå 1. august er ny fylkestannlege etter Anthony Valen.