Karrieredagane: 10. klassingar får hjelp til å finne ut kva dei skal bli

I Molde gjekk arrangementet av stabelen 6. og 7. september, i og utanfor lokala til Brunvoll AS, der den ordinære produksjonen gjekk for fullt.

- Her fekk nær tusen ungdommane klatre i stillas, sitte i dumpers, prøve seg på hjarte-lunge-redning, teste VR-briller, montere og maskinere. Elevane fekk altså både sjå og erfare kva yrke som finns i bedriftene, og kva arbeidsoppgåver som skjuler seg bak yrkestitlane, seier  Rose Mari Skarset, rådgivar  seksjonsleiar i   Møre og Romsdal fylkeskommune.

Karrieredagane er eit av fleire tiltak for å hjelpe 10. klassingane til å ta eit av dei viktigaste vala i livet; utdanningsretning og yrkesval. Elevane får møte fleire hundre bedrifter, opplæringskontor og skolar på postar og stands.

Eit mål er å gi elevane eit realistisk og levande bilete av kva moglegheiter og karrierevegar som finst i fylket.

- Det gjer vi ved å vise dei mangfaldet som er i næringslivet både i privat og offentleg sektor, seier Skarset.

Ho meiner også at det er viktig å motivere elevane til å ta det rette valet av vidaregåande opplæring.

- Sjansane til å lukkast er best når elevane er motiverte og ser kva veg dei kan gå etter ungdomsskolen.

Spleiselag

Karrieredagane er eit samarbeid mellom arbeidsliv, kommunar og organisasjonar. I Molde var Brunvoll vertskap for arrangementet, og Molde Næringsforum  prosjektansvarleg, på vegner av Møre og Romsdal fylkeskommune.

Seinare i september og oktober står desse plassane for tur:

12. september: Surnadal, skoleområdet Surnadal vgs.

13. september: Kristiansund, Braatthallen

27.-28. september: Ørsta, Ørstahallen

4. oktober: Ålesund, Sparebanken Møre Arena

I tillegg til å arrangere Karrieredagane, tilbyr fylkeskommunen også hospitering i vidaregåande skole og har utarbeidd eit arbeidshefte som skal hjelpe elevane å velje vidaregåande opplæring.