Interimskaia er ferdig, no får Voksa ny ferjekai
Den mellombelse kaia på Voksa blei ferdig natt til 12. juli, slik at arbeidet med ny ferjekai kan startast opp. Det var knapp tid til å fullføre jobben, men dette har entreprenøren klart.
Natt til onsdag 12. juli blei brua på den gamle ferjekaia flytta over til den mellombelse kaia, og markerte med dette slutten for den gamle kaia. Saman med fylkeskommunen har entreprenøren Mesta klart å dra prosjektet i hamn på estimert tid, noko som var usikkert i starten.
- Dei har jobba bra, og vi er glade for å sjå at interimskaia no står ferdig, seier byggeleiar i Møre og Romsdal fylkeskommune, Oskar Einarsson.
- Resultatet er slik som vi har prosjektert, og er vel utført.
Alle ferjekaiene i sambandet Larsnes-Åram-Voksa-Kvamsøy står ovanfor nødvendige oppgraderingar. På Voksa finnast ingen moglegheit for omkøyring, og øya har fått ei mellombels kai medan den nye kaia byggast på same stad som den gamle.