Hasle får
prisen for sin store innsats og langvarige
engasjement for skolebiblioteka i dei vidaregåande skolane i Møre og
Romsdal.
Eivind Hasle har sidan 1989 hatt særskilt ansvar for
utvikling av skolebiblioteka ved dei vidaregåande skulane i fylket, og
gjort ein formidabel innsats på dette området. Han har sett dei viktige
samanhengane og skolane sitt ansvar for bibliotektenester, jobba for saka
på fleire plan og i det heile vist eit stort personleg
engasjement.
Hasle har jobba bevisst for å få med skolebiblioteka
i planar og strategiar i fylket, talt biblioteka si sak i ulike faglege
fora i utdanningssektoren og ikkje minst vore eit viktig bindeledd
direkte til dei bibliotektilsette ved skolane.
Gjennom dette arbeidet har han vore ei viktig
drivkraft for store satsingar på dette området i Møre og Romsdal, både
planmessige opplæringstiltak og no den store satsinga på nytt og samordna
biblioteksystem for dei vidaregåande skulane.
For fylkesbiblioteket har Hasle vore ein viktig
samarbeidspartnar i den felles satsinga på å sikre betre skolebibliotek,
og innsatsen hans er også i tråd med strategiane til Norsk
bibliotekforening og deira satsing "Skolebibliotekløftet".
Bibliotekprisen blir delt ut kvart år av Norsk
bibliotekforening, avd. Møre og Romsdal og Fylkesbiblioteket i
fellesskap. Både bibliotek som har utmerka seg særleg eller
enkeltpersonar som har gjort ein særskilt innsats for biblioteksaka i
fylket kan bli tidelt prisen.
BILDET: Eivind Hasle med bibliotekprisen 2007.
Prisen i år er eit bilde av Ørnulf Opdahl med tittelen
"Glimt". (foto: Ellen Kristine
Molvær)
"Bibliotekprisen
i Møre og Romsdal" for 2007 blir delt ut i samband med
bibliotekforeninga og fylkesbiblioteket sitt temamøte "Nytt på nett",
som blir halde på Høgskolen i Molde onsdag
17.10
Kontaktperson:
Fylkesbibliotekar Ellen
Kristin Molvær – mob: 920
87 793